Logement zu Lausanne

Direction des Maisons pour étudiants
avenue de Rhodanie 64
CH-1007 Lausanne
Tel. +41 (0)21 617 8154 an +41 (0)21 617 8156
Fax +41 (0)21 617 8166
www.fmel.ch

Dëst ass eng Fondatioun déi Studentenwunnenge fir Studenten offréiert. Dëst si präiswärt Zëmmeren, déi net ze grouss, awer u sech an der Rei sinn. D'Appartementer fonktionnéiren wéi eng WG. Buedzëmmer, Kichen an Iesdësch si gemeinsam, a jidfereen huet säin Zëmmer. Nët jidfereen huet dat gäeren, mee esou léiert ee séier e puer nei Leit kennen. “La Bourdonette”, “Les Ochettes” an “Les Triaudes” leien no bei der Schoul, sou datt ee kann zu Fouss goen.

Opgepasst : Hei soll ee sech esou fréi wéi méiglech umellen. Normalerweis ass d'Liste d'attente relativ laang. Am beschten nach virum Februar einfach e Bréif un déi uewen uginn Adress schécken, an da kritt een eng kuerz Descriptioun vun deene verschiddenen Appartementer an hier Adress. Wann ee spéit drun ass geet een am beschten selwer laanscht an mecht e bëssen Damp oder et freet een ob keng Wunneng an dem Haus vun senger Wiel fräi ass, well da kann een vläicht handelen fir déi ze kréien.

Hei ass den Text deen emol hei stung: An der Schwäiz muss een op enger Agence keng Fraisen bezuelen. Déi sinn all à la charge vun deem deen eppes verlount. Dat einfachst ass op den Office du Tourisme zu Lausanne ze faxen a no enger Lëscht vun agences immobilières ze froen. Da misst een normalerweis eng Säit voll mat Nimm, Adressen an Telefonsnummere kréien (ëm déi 100 Stéck). Duerno wielt ee sech dann mol au pif e puer gudd Nimm ënner der Bezeechnung ('régie immobilière') eraus, rifft do un an da missten déi eng Lëscht mat hierem aktuellen Ugebot schécken. Wann een dann eng Rëtsch Lëschten zesummen huet, hëllt een am beschten Kontakt op mat de Conciergen vun deenen eenzelnen Heiser. Wann een Zëmmer engem senge Wënsch ëntsprëcht, kann een e Rendez-vous ausmaachen fir de Studio ze besichtegen. Huet een dann eppes font wat engem gefällt, fiert een z'réck op d'Agence fir eng demande de bail ze maachen. Wann een do passéiert ass kritt een 2 Deeg drop Bescheed op d'Demande acceptéiert ass. Dat as 99,999% vun de Fäll de Fall. D'Agence checkt just op d'Donneen déi's du hinne ginn hues (Adress, an dass du fäheg bass de Loyer ze bezuelen) richteg sinn! Duerno kriss du dann automatësch de Bail à Loyer geschéckt, deens du muss ënnerschreiwen. An domat wier ët schons gebongt!

Opgepasst: Dat do war emol viru laanger Zäit esou. Et sinn ewell ëmmer méi Agencen déi just u Leit verlounen, déi en Akommes an der Schwäiz hunn. Hei geet dann ouni schwäizer Monni oder Tata näischt. Am beschten also ëmmer emol fir d'éischt Froen ob se och u net-Schwäizer verlounen.
Hei sollt emol eng Lëscht mat Agencen hikommen an ob et do klappt oder net, mee leider huet fir de Moment nach keen eppes erageschéckt.
Wanns du also gudd oder schlecht Erfahrungen mat enger Agence gemaach hues, da schreiw dat w.e.g. op webmaster__Klammeraf__aell.lu, fir dës Lëscht aktuell ze halen.

D'Unil huet ee Service, deen Annoncen sammelt. Do kann een sech eppes erausischen, an da kritt een déi Telefonsnummeren wou een interesséiert ass.

Service du logement
Service des affaires socioculturelles
Bâtiment du Rectotat et de l'Administration
Université de Lausanne
CH-1015 Dorigny
Tel.: +41 (0)21 692 2121
Op der Kart weisen
http://www.unil.ch/sasc/page6173_fr.html

Opgepasst : Dëse Büro huet e bësse speziell Öffnungszäiten.
Ouverture du lundi au vendredi de 10h00 à 14h00 !!!

Heifir trëppelt dir am beschten eng Kéier duerch d'Gebei. Un den Mauren hänkt all puer Meter eng Pinwand, wou privat Annonce sinn.

De Service touristique zu Ouchy huet eng Lëscht matt Appartementer. Wann een mol ganz verzweifelt ass an näischt fënnt, kann een sech déi Lëscht sichen goen. Hei sinn aawer des öfteren e bëssen méi deier Zëmmeren oder Studioën ze fannen.

Déi meescht Annoncen fannt der Méindes an enger Beilaag vum 24 heures.

Moien ???.

Du haass eng Mail un de Comité vun de Letzebuerger zu Lausanne geschriwwen, watt Wunningen ugeet.

Fier zu Lausanne eppes ze fannen, daat ass wierklech net schwéier. Et geet relax duer, wanns de am Juli, wou's de dech umellen kenns, no eppes kucks.

Et gett do e puer Méiglechkeeten:

1. Op der UNIL gett et ee Service, di vermettlen frei Wunningen.
2. Beim service du logement (av. de rhodanie) gett et och studentenwunningen. Et gett zum Beispill d'Triaudes, dat ass ee Komplex vu Studentenwunningen direkt bei der EPFL (do gett et suwuel Eenzelwunningen wi och Wunngemeinschaften), da gett et och nach d'cèdres (ech mengen, do wieren nemmen WGen), daat leit ennen beim Séi, an d'Ochettes, daat ass an der Géigend vun der UNIL, also net ganz weit vun der EPFL (dat sinn och nemmen WGen) asw.
3. Eng aner Méiglechkeet ass an der Zeitung (am besten 24 heures) no annoncen ze kucken.
4. An der Schoul selwer henken och ee ganze Koup annoncen, vu saachen di frei gin.
5. Watt ech lo fierun kuerzem gesinn hunn, ass dat ee bei engem ganzen koup Agencen am Internet kann no Saachen sichen: [Kuck d'Linken op der Link-Säit…]
6. Du geess an d'Géigend kucken, wu schon Letzebuerger wunnen, an du kucks op do nach eppes frei ass. Falls daat dech interesséiert, da so mer Bescheed, da schecken ech der d'Lescht vun all den Adressen (ndlr: déi fennt ee mettlerweil och hei op der Homepage).

Do kanns de da kucken, watt dech interesséiert, an dech dann bei denen informéiren.

Daat einfachst ass menger Meenung no den Service du Logement, falls WGen dech interesséieren, soss d'Internet oder d'Letzebuerger.

Wanns de nach froen hues, da schreiw mer.

Salut,

J.K.

P.S.: Fäert net, fier bei den een oder deen aneren kucken ze goen. Sou kanns de der emmer eng gutt Iddi maan, vun deem watt's de wells a watt's de net wells.